Sigrún JúlíusdóttirSigrún Júlíusdóttir stofnaði ásamt fleirum meðferðarþjónustuna Tengsl árið 1982. Þjónustan er einkarekin og Sigrún hefur löggilt starfs- og meðferðarréttindi með sérhæfingu í hjóna- og fjölskyldumeðferð, skilnaðarráðgjöf, foreldra-og uppeldisráðgjöf ásamt fjölskyldufræðslu.

Nám og meðferðarþjálfun

Lauk félagsráðgjafarprófi 1970 frá Lundi og fil.kand prófi í félagsfræði frá Stokkhólmsháskóla 1972, meistaraprófi frá Michiganháskóla í Bandaríkjunum í hjóna- og fjölskyldumeðferð, 1978, handleiðslunámi og eigin meðferð (e. training therapy) 1985 og löggiltu réttindanámi í einstaklingsmeðferð (e. psychotherapy) frá sálfræðideild háskólans í Gautaborg 1988. Lauk doktorsprófi í félagsráðgjöf á sviði fjölskyldufræða frá sama skóla 1993.

Starfs- og meðferðarreynsla

Löng og fjölþætt starfsreynsla, m.a. við barnavernd í Reykjavík 1968 og almenna félagsráðgjöf á sjúkrahúsi, félagsþjónustu, unglingageðdeild og við réttarfélagsráðgjöf hjá skilorðeftirliti Stokkhólms; yfirfélagsráðgjafi við Kleppsspítala/Geðdeild landspítalans 1972-1990. Auk margvíslegra fræðslustarfa fyrir almenning og fagfólk, m.a. í fjölskyldumeðferð og handleiðslu, kennsla við Endurmenntun HÍ; lektor frá 1991, nú prófessor við félagsráðgjafardeild Háskóla Íslands. Ritstjóri Tímarits félagsráðgjafa frá 2008.

Rannsóknasviðið snýr að fjölskyldutengslum, barna- og fjölskylduvernd, fagþróun og handleiðslu.

Er stofnandi og formaður stjórnar Rannsóknastofnunar í barna- og fjölskylduvernd við félagsráðgjafardeild HÍ, og hefur ritað fjölda greina og bækur um fjölskyldumálefni og m.a. svarað spurningum á Vísindavef Háskóla Íslands og doktor.is.

Faglegar viðurkenningar

Félagi í erlendum og íslenskum sérfræðifélögum og rannsóknasamtökum, svo sem: The American Family Therapy Academy, Council on Contemporary Famlies, Svensk handledarförening og Forsa (Ís-Forsa), Kynfræðifélag Íslands, Handís - félag handleiðara á Íslandi, Sátt - Félag fagfólks í sáttamiðlun, Félag fjölskyldufræðinga (FFF), Félagsráðgjafarfélagi Íslands og í fagdeild Félags sjálfstætt starfandi félagsráðgjafa, Vísindafélag Íslendinga.

Hefur hlotið viðurkenningu hinnar íslensku Fálkaorðu fyrir framlag á sviði félagsvísinda, 2003; heiðurstyrk Vísindasjóðs Félagsráðgjafarfélags Íslands, 2009; faglega viðurkenningu Sambands félagsráðgjafarskóla á Norðurlöndum, 2011; fræðistyrk Hagþenkis, 2013.