Meðferðin er ætluð einstaklingum, hjónum, foreldrum og fjölskyldum.
Auk persónulegrar meðferðar er veitt faghandleiðsla og ráðgjöf um meðferðarstarf og starfsþróun fyrir meðferðaraðila og annað fagfólk. Einnig er kostur á starfsmannaráðgjöf og stjórnunarhandleiðslu fyrir yfirmenn og starfsfólk fyrirtækja og stofnana. Í handleiðslu er unnið með fagþroska og eflingu starfssjálfsins, samskipti á vinnustað og togstreitur milli samstarfsaðila, undir-og yfimanna.

Tilefni og markmið meðferðar geta tengst þörf til að

• efla og bæta hjónabandið úr viðjum vanans eða misgengis sem upp hefur komið
• vinna á dýpri vanda sem tengist tilfinningalegum samskiptum, kynlífi, þroskaverkefnum, tjáskiptum eða sjálfstæði og nánd
• vinna úr kreppu, dauðsfalli, áfalli eða missi, m.a. tengt trúnaðarbresti, svikum eða framhjáhaldi
• leysa langvarandi erfiðleika eða lífskeiðsbreytingar sem kalla á endurskilgreiningar og endurnýjun
• styrkja persónulega líðan og velgengni
• vinna með ákvörðun um skilnað og samkomulag um forsjá og samvistir
• greiða úr togstreitum og bæta fjölskyldusamskipti, uppruna- eða kynslóðatengsl
• skilja, ráða betur við og bæta stjúptengsl
• takast á við uppeldisleg atriði í samspili foreldra og barna